ಭಾರತೀಯ ಕ್ರಿಕೆಟ್‌ನ ‘ಮಿಸ್ಟರ್ ಕ್ಲಾಸ್’ ಅಜಿಂಕ್ಯ ರಹಾನೆ ನಿವೃತ್ತಿ

ಮುಂಬೈ:ಟೀಮ್ ಇಂಡಿಯಾದ ಅತ್ಯಂತ ಸಭ್ಯ, ಶಾಂತ ಸ್ವಭಾವದ ಮತ್ತು ಬಿಕ್ಕಟ್ಟಿನ ಸಮಯದಲ್ಲಿ ತಂಡದ ಪಾಲಿಗೆ ಗೋಡೆಯಂತೆ ನಿಲ್ಲುತ್ತಿದ್ದ ಹಿರಿಯ ಬ್ಯಾಟರ್ ಅಜಿಂಕ್ಯ ರಹಾನೆ ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ಕಂಪ್ಲೀಟ್ ಆಗಿ ವಿದಾಯ ಹೇಳಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಅತ್ಯಂತ ಎಮೋಷನಲ್ ವಿಡಿಯೋ ಒಂದನ್ನು ಪೋಸ್ಟ್ ಮಾಡಿರುವ ರಹಾನೆ, “ಕ್ಯಾಪ್ ನಂಬರ್ 278 ಸೈನಿಂಗ್ ಆಫ್” ಎಂದು ಬರೆದುಕೊಂಡಿದ್ದಾರೆ. ರಹಾನೆ ಅವರ ಈ ಸಡನ್ ಅನೌನ್ಸ್‌ಮೆಂಟ್ ಸದ್ಯ ಇಂಟರ್ನೆಟ್‌ನಲ್ಲಿ ಭಾರಿ ಸಂಚಲನ ಮೂಡಿಸಿದ್ದು, ಕ್ರಿಕೆಟ್ ಪ್ರೇಮಿಗಳ ಕಣ್ಣನ್ನು ಒದ್ದೆ ಮಾಡಿದೆ.

“ಸೋತರೂ ನಿಮ್ಮ ಹೃದಯದಲ್ಲಿ ನಾನು ಗೆದ್ದಿದ್ದೆ” – ರಹಾನೆ ಭಾವುಕ ಸಂದೇಶ 

ತಮ್ಮ ನಿವೃತ್ತಿ ವಿಡಿಯೋದಲ್ಲಿ ಭಾವುಕರಾಗಿ ಮಾತನಾಡಿದ ರಹಾನೆ, “ಬ್ಯಾಟಿಂಗ್‌ನಂತೆ ಜೀವನದಲ್ಲೂ ಟೈಮಿಂಗ್ ಮುಖ್ಯ, ವಿದಾಯ ಹೇಳಲು ಇದೇ ಸರಿಯಾದ ಸಮಯ ಎಂದು ಭಾವಿಸುತ್ತೇನೆ. ಅಜಿಂಕ್ಯ ಎಂದರೆ ಸೋಲದವನು ಎಂದರ್ಥ, ಆದರೆ ಕ್ರಿಕೆಟ್ ನನಗೆ ಹಲವು ಬಾರಿ ಸೋಲನ್ನು ಉಣಿಸಿದೆ. ಆಟಗಾರರಾಗಿ ನಾವು ಗೆಲುವಿಗಿಂತ ಹೆಚ್ಚು ಸೋಲನ್ನು ಕಾಣುತ್ತೇವೆ. ನನ್ನ ತಂಡ ಪಂದ್ಯಗಳನ್ನು ಸೋತಿರಬಹುದು, ನಾನು ತಪ್ಪುಗಳನ್ನು ಮಾಡಿರಬಹುದು, ಆದರೆ ನಿಮ್ಮ ಹೃದಯದಲ್ಲಿ ನಾನು ಎಂದಿಗೂ ಸೋತಿಲ್ಲ. ನೀವು ನನ್ನನ್ನು ಯಾವಾಗಲೂ ನಿಮ್ಮವನಂತೆ ನೋಡಿಕೊಂಡಿದ್ದೀರಿ. ನಿಮ್ಮ ಪ್ರೀತಿ, ನಂಬಿಕೆ ಮತ್ತು ಬೆಂಬಲಕ್ಕೆ ನಾನು ಸದಾ ಋಣಿ” ಎಂದು ಕೃತಜ್ಞತೆ ಸಲ್ಲಿಸಿದ್ದಾರೆ.

ಆಸ್ಟ್ರೇಲಿಯಾ ಮಣ್ಣಿನಲ್ಲಿ ಹಿಸ್ಟರಿ ಕ್ರಿಯೇಟ್ ಮಾಡಿದ್ದ ‘ಕ್ಯಾಪ್ಟನ್ ಅಜ್ಜು’ 

ರಹಾನೆ ಅವರ ಕ್ರಿಕೆಟ್ ಕೆರಿಯರ್‌ನ ಅಲ್ಟಿಮೇಟ್ ಹೈಲೈಟ್ ಅಂದರೆ 2020-21ರ ಬಾರ್ಡರ್-ಗವಾಸ್ಕರ್ ಟ್ರೋಫಿ. ಅಡಿಲೇಡ್ ಟೆಸ್ಟ್‌ನಲ್ಲಿ ಭಾರತ ತಂಡ ಕೇವಲ 36 ರನ್‌ಗಳಿಗೆ ಆಲೌಟ್ ಆಗಿ ಮುಖಭಂಗ ಅನುಭವಿಸಿದಾಗ ಮತ್ತು ನಿಯಮಿತ ನಾಯಕ ತವರಿಗೆ ಮರಳಿದಾಗ ತಂಡದ ನಾಯಕತ್ವ ವಹಿಸಿಕೊಂಡಿದ್ದು ಇದೇ ರಹಾನೆ. ಗಾಯಾಳುಗಳ ದಂಡೇ ಇದ್ದ ಯುವ ಟೀಮ್ ಇಂಡಿಯಾವನ್ನು ಮುನ್ನಡೆಸಿ, ಮೆಲ್ಬೋರ್ನ್‌ನಲ್ಲಿ ಶತಕ ಸಿಡಿಸಿ, ಗಬ್ಬಾ ಕೋಟೆಯನ್ನು ಧೂಳೀಪಟ ಮಾಡಿ 2-1 ಅಂತರದಲ್ಲಿ ಭಾರತಕ್ಕೆ ಐತಿಹಾಸಿಕ ಸರಣಿ ಗೆಲ್ಲಿಸಿಕೊಟ್ಟ ಧೀರ ಇವರು. ಇವರ ನಾಯಕತ್ವದಲ್ಲಿ ಭಾರತ ಆಡಿದ 6 ಟೆಸ್ಟ್‌ಗಳಲ್ಲಿ ಒಂದನ್ನೂ ಸೋತಿಲ್ಲ (4 ಗೆಲುವು, 2 ಡ್ರಾ) ಎಂಬುದು ಇವರ ಕ್ರೇಜಿ ರೆಕಾರ್ಡ್.

ವಿದೇಶಿ ಪಿಚ್‌ಗಳ ರಿಯಲ್ ಕಿಂಗ್ 

ಭಾರತದ ಪರ 85 ಟೆಸ್ಟ್, 90 ಏಕದಿನ ಹಾಗೂ 20 ಟಿ20 ಪಂದ್ಯಗಳನ್ನು ಆಡಿರುವ ರಹಾನೆ ಒಟ್ಟು 8,000ಕ್ಕೂ ಅಧಿಕ ರನ್ ಗಳಿಸಿದ್ದಾರೆ. ಭಾರತಕ್ಕಿಂತ ವಿದೇಶದ ಕಠಿಣ ಪಿಚ್‌ಗಳಾದ ಲಾರ್ಡ್ಸ್, ಮೆಲ್ಬೋರ್ನ್, ವೆಲ್ಲಿಂಗ್ಟನ್ ಮತ್ತು ಡರ್ಬನ್‌ಗಳಲ್ಲಿ ಶತಕ ಬಾರಿಸಿ ತಾವೊಬ್ಬ ಅಪ್ಪಟ ‘ಓವರ್‌ಸೀಸ್… ಸ್ಪೆಷಲಿಸ್ಟ್’ ಎಂಬುದನ್ನು ಸಾಬೀತುಪಡಿಸಿದ್ದರು. ರಹಾನೆ ಅವರ ನಿವೃತ್ತಿಗೆ ವಿಶ್ವ ಕ್ರಿಕೆಟ್‌ನ ದಿಗ್ಗಜರು ಕರತಾಡನ ಮುಗಿಸಿ ಗೌರವ ಸಲ್ಲಿಸುತ್ತಿದ್ದಾರೆ. ಭಾರತೀಯ ಟೆಸ್ಟ್ ಕ್ರಿಕೆಟ್‌ನ ಒಂದು ಸೌಮ್ಯ ಹಾಗೂ ಸುವರ್ಣ ಯುಗ ಇಂದಿಗೆ ಅಂತ್ಯಗೊಂಡಂತಾಗಿದೆ.