ಆಸ್ತಿ ವಿವರ ಸಲ್ಲಿಸಲು ಶಾಸಕರ ಹಿಂದೇಟು: ಗಡುವು ಮುಗಿದರೂ ವಿವರ ಸಲ್ಲಿಸದ 159 ಶಾಸಕರು

by Suddi Team
July 1, 2018
82 Views

ಬೆಂಗಳೂರು: ಲೋಕಾಯುಕ್ತಕ್ಕೆ ಆಸ್ತಿವಿವರ ಸಲ್ಲಿಕೆ ಮಾಡುವ ಗಡುವು ಮುಗಿದರೂ ಇನ್ನೂ 159 ಶಾಸಕರು ತಮ್ಮ ಆಸ್ತಿ ವಿವರವನ್ನು ಸಲ್ಲಿಕೆ ಮಾಡಿಲ್ಲ. ಆಗಸ್ಟ್ 31ಕ್ಕೆ ಅಂತಿಮ ಗಡುವು ನೀಡಿದ್ದು ಆಗಲೂ ಆಸ್ತಿ ವಿವರ ಸಲ್ಲಿಸದೇ ಇದ್ದರೆ ಲೋಕಾಯುಕ್ತ ಸಂಸ್ಥೆ ರಾಜ್ಯಪಾಲರಿಗೆ ಮಾಹಿತಿ ನೀಡಲಿದೆ.

ಪ್ರತಿ ವರ್ಷ ಶಾಸಕರು ತಮ್ಮ ಆಸ್ತಿ ವಿವರವನ್ನು ಲೋಕಾಯುಕ್ತ ಸಂಸ್ಥೆಗೆ ಸಲ್ಲಿಸುವುದು ಕಡ್ಡಾಯ.ಜೂನ್ 30 ರೊಳಗೆ ಆಸ್ತಿ ವಿವರವನ್ನು ಸಲ್ಲಿಕೆ ಮಾಡವೇಕು, ಆದರೆ ಇಲ್ಲಿಯವರೆಗೆ ಕೇವಲ 111 ಶಾಸಕರು ಮತ್ತು ವಿಧಾನ ಪರಿಷತ್ ನ 29 ಸದಸ್ಯರು ಮಾತ್ರ ತಮ್ಮ ಆಸ್ತಿ ವಿವರವನ್ನು ಸಲ್ಲಿಕೆ ಮಾಡಿದ್ದಾರೆ.

ಉಭಯ ಸದನಗಳ ಇನ್ನೂ 159 ಸದಸ್ಯರು ತಮ್ಮ ಆಸ್ತಿ ವುವರ ಸಲ್ಲಿಕೆಯನ್ನು ಬಾಕಿ ಉಳಿಸಿಕೊಂಡಿದ್ದು ಅವರಿಗೆ ಆಗಸ್ಟ್ 31 ರವರೆಗೆ ಕಡೆಯ ಅವಕಾಶ ನೀಡಲಾಗಿದೆ.ನಂತರ ಯಾರು ಆಸ್ತಿ ವಿವರವನ್ನು ಸಲ್ಲಿಕೆ ಮಾಡಿಲ್ಲ ಎನ್ನುವ ಮಾಹಿತಿಯನ್ನು ರಾಜ್ಯಪಾಲರಿಗೆ ಲೋಕಾಯುಕ್ತ ಸಂಸ್ಥೆ ರವಾನಿಸಲಿದ್ದು ರಾಜ್ಯಪಾಲರು ಮುಂದಿನ ಕಾನೂನು ಕ್ರಮ ಕೈಗೊಳ್ಳಲಿದ್ದಾರೆ.