KSRTC FLY BUS-ರಸ್ತೆ ಮೇಲೂ ವಿಮಾನ ಪ್ರಯಾಣದ ಅನುಭವ ನೀಡುತ್ತದೆ ಕೆಎಸ್‌ ಆರ್ಟಿಸಿ ಫ್ಲೈ ಬಸ್.

ಬೆಂಗಳೂರು: ಇಡೀ ದೇಶದಲ್ಲಿಯೇ ಮೊದಲ ಬಾರಿಗೆ ಇಂಟರ್‌ ಸಿಟಿ ಟು ಇಂಟರ್‌ ನ್ಯಾಷನಲ್‌ ಏರ್‌ ಪೋರ್ಟ್‌ ಕನೆಕ್ಟ್‌ ಮಾಡುವ ಸೇವೆಯನ್ನು ಪರಿಚಯ ಮಾಡಿದ ಹೆಗ್ಗಳಿಕೆ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಗೆ ಸಲ್ಲಲಿದೆ. ಸೇಫ್ಟಿ,ರಿಲಯಬಲ್‌ ಹಾಗು ಲಕ್ಸುರಿ ಸೌಲಭ್ಯದ ಫ್ಲೈ ಬಸ್‌ ಸೇವೆ ರಸ್ತೆ ಮೇಲಿನ ವಿಮಾನ ಪ್ರಯಾಣದ ಅನುಭವವನ್ನು ನೀಡುತ್ತಿದೆ.

ಹೌದು,ವಿಮಾನ ಹತ್ತುವುದಕ್ಕಿಂತ  ಮೊದಲು ನೀವೀಗ ವಿಮಾನದ ಅನುಭವ ಪಡೆಯಬಹುದು ಅದು ಕೆಎಸ್‌ ಆರ್ಟಿಸಿ ಬಸ್‌ ನಲ್ಲಿ. ಸಾಕಷ್ಟು ಪ್ರೀಮಿಯಂ ಮಾದರಿ ಬಸ್‌ ಗಳ ಮೂಲಕ ರಾಜ್ಯ ರಸ್ತೆ ಸಾರಿಗೆ ನಿಗಮಗಳ ಸಾಲಿನಲ್ಲಿ ವಿಶಿಷ್ಟ ಸ್ಥಾನದಲ್ಲಿರುವ ಕೆಎಸ್ ಆರ್ಟಿಸಿ ಫ್ಲೈ ಬಸ್‌ ಹೆಸರಿನ ಐಷಾರಾಮಿ ಬಸ್‌ ಗಳನ್ನು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಪ್ರಮುಖ ನಗರಗಳಿಗೆ  ನೇರ ಸಂಪರ್ಕ ಕಲ್ಪಿಸಿ ವಿಮಾನ ಪ್ರಯಾಣಿಕರಿಗೆ ಅತ್ಯುತ್ತಮ  ರಸ್ತೆ ಸಾರಿಗೆ ಸೇವೆ ನೀಡುತ್ತಿದೆ.

ಇಡೀ ದೇಶದಲ್ಲೇ ಮೊದಲ ಬಾರಿಗೆ ಇಂಟರ್‌ ಸಿಟಿ ಮತ್ತು ಇಂಟರ್‌ ನ್ಯಾಷನಲ್‌ ಏರ್‌ ಪೋರ್ಟ್‌ ನ ಕನೆಕ್ಟ್‌ ಮಾಡುವ ಸೇವೆಯನ್ನು ಶುರು ಮಾಡಿದೆ. ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಟರ್ಮಿನಲ್‌ ಒಂದು ಮತ್ತು ಟರ್ಮಿನಲ್‌ ಎರಡರಿಂದ ರಾಜ್ಯದ ಸಾಂಸ್ಕೃತಿಕ ರಾಜದಾನಿಯಾಗಿರುವ ಮೈಸೂರು,ಕುಂದಾಪುರ,ಮಡಿಕೇರಿ ಈಗ ಹೊಸದಾಗಿ ದಾವಣಗೆರೆಗೆ ಫ್ಲೈ ಬಸ್‌ ಸೇವೆಯನ್ನು ಪರಿಚಯ ಮಾಡಿದೆ.  ವಿಮಾನ ನಿಲ್ದಾಣದಲ್ಲಿಯೇ  ಫ್ಲೈ ಬಸ್‌ ಗೆ ಪ್ರತ್ಯೇಕ ಕೌಂಟರ್‌ ತೆರೆಯಲಾಗಿದೆ.  ಯಾವುದೇ ಅಡೆ ತಡೆಯಿಲ್ಲದೆ ವಿಮಾನ ನ ಇಲ್ದಾಣಕ್ಕೆ ಬರುವ ಪ್ರಯಾಣಿಕರು ಟಿಕೆಟ್‌ ತೆಗೆದುಕೊಂಡು ಪ್ರಯಾಣ ಮಾಬಹುದು, ಪ್ರಯಾಣಿಕ ಸ್ನೇಹಿ ಸಿಬ್ಬಂದಿ ಬಸ್‌ ನಲ್ಲಿದ್ದು, ಚಾಲಕರು  ಅತ್ಯುತ್ತಮ ತರಬೇತಿ ಹೊಂದಿದ್ದಾರೆ.

ಮಲ್ಟಿ ಆಕ್ಸಲ್‌ ಹೊಂದಿರುವ ಫ್ಲೈ ಬಸ್‌ ಗಳು,  ಪ್ರಯಾಣಿಕರ ಪ್ರಯಾಣವನ್ನು ಐಷಾರಾಮಿಯನ್ನಾಗಿ ಮಾಡುವ ಜತೆಗೆ ಒಳ್ಳೆಯ ಅನುಭವ ನೀಡಲಿದೆ. ಬಸ್‌ ನಲ್ಲಿ ಉತ್ತಮ ಆಸನ ವ್ಯವಸ್ಥೆ,ವಿಶಾಲವಾದ ಲೆಗ್‌ ರೂಂ,ಹೆಡ್‌ ರೆಸ್ಟ್ ,ನ್ಯೂಸ್‌ ಪೇಪರ್‌,ಪ್ರತಿ ಆಸನದಲ್ಲೂ ಮೊಬೈಲ್ ಚಾರ್ಜಿಂಗ್‌ ಪಾಯಿಂಟ್‌, ರೀಡಿಂಗ್‌ ಲೈಟ್‌, ಲಗ್ಗೇಜ್‌ ಇಡಲು ವಿಶಾಲವಾದ ಸ್ಥಳಾವಕಾಶವಿದೆ, ಆನ್‌ ಬೋರ್ಡ್‌ ಕೆಮಿಕಲ್‌ ಟಾಯ್ಲೆಟ್‌ ಸೌಲಭ್ಯವೂ  ಇದೆ, ಬಸ್‌ ನ ಒಳಭಾಗದಲ್ಲಿ ಪ್ರೀಮಿಯಂ ಇಂಟೀರಿಯರ್‌ ಒಳ್ಳೆಯ ಮೆರುಗು ನೀಡಿದ್ದು, ಫ್ಲೈ ಬಸ್‌ ಪ್ರಯಾಣಿಕರಿಗೆ ಉಚಿತವಾಗಿ ನಂದಿನ ಸ್ಕ್ಯಾಕ್ಸ್‌ ಕಿಟ್‌ ನೀಡಲಾಗುತ್ತದೆ.

ಪ್ರಯಾಣಿಕರ ಸುರಕ್ಷತೆಗೆ ಹೆಚ್ಚಿನ ಆಧ್ಯತೆಯನ್ನು ಫ್ಲೈಬಸ್‌ ನಲ್ಲಿ ನೀಡಲಾಗಿದ್ದು,ಪ್ರತಿ ಎರಡು ಸೀಟ್‌ ನಡುವೆ ತುರ್ತು ಸಮಯದಲ್ಲಿ ಗಾಜು ಹೊಡೆದು ಬಸ್‌ ನಿಂದ ಹೊರಬರಲು ನೆರವಾಗುವ ದೃಷ್ಟಿಯಿಂದ ಹ್ಯಾಮರ್‌, ಒಂದು ಪ್ರತ್ಯೇಕ ಎಮರ್ಜೆನ್ಸಿ ಎಕ್ಸಿಟ್‌ ಇದೆ.  ,ಸೇಫ್‌, ರಿಲಯಬಲ್‌ ಲಕ್ಸುರಿ ಬಸ್‌ ಸೇವೆ ಫ್ಲೈಬಸ್‌ ನಲ್ಲಿ ಸಿಗಲಿದೆ.