ನಾದ ಬ್ರಹ್ಮನ ಜನ್ಮದಿನ: ಹಂಸಲೇಖರಿಗೆ‌ ಶುಭ ಕೋರಿದ ಸ್ಯಾಂಡಲ್ ವುಡ್

ಬೆಂಗಳೂರು:ನಾದಬ್ರಹ್ಮ ಹಂಸಲೇಖ ಅವರಿಗೆ ಇಂದು ಹುಟ್ಟು ಹಬ್ಬದ ಸಂಭ್ರಮ.69 ವಸಂತಗಳನ್ನು ಪೂರ್ಣಗೊಳಿಸಿರುವ ಸ್ಯಾಂಡಲ್ ವುಡ್ ನ ಲಿರಿಕಲ್,ಮ್ಯೂಸಿಕಲ್ ಲೆಕೆಂಟ್ ಗೆ ಚಿತ್ರರಂಗ ಶುಭ ಕೋರಿದೆ.

1951 ರ ಜೂನ್ 23 ರಂದು ಜನಿರುವ ಹಂಸಲೇಖ ಮೂಲ ಹೆಸರು ಗಂಗರಾಜು, ಶಾಲಾ ದಿನಗಳಲ್ಲೇ ನಾಟಕಗಳಕನ್ನು ಬರೆದು ಸಾಹಿತ್ಯ ಪ್ರಪಂಚಕ್ಕೆ ತೆರೆದುಕೊಂಡು ಅಂದೇ ಹಂಸಲೇಖನಿ ಎಂದು ಪೆನ್ ನೇಮ್ ಇಟ್ಟು ಕೊಂಡು ಶಿಕ್ಷಕರ ಸಲಹೆಯಂತೆ ಅದನ್ನು ಹಂಸಲೇಖ ಎಂದು ಬದಲಾಯಿಸಿಕೊಂಡು ನಂತರ ಶಾಶ್ವತವಾಗಿ ಗಂಗರಾಜು ಹಂಸಲೇಖವಾಗಿದ್ದಾರೆ.

ತ್ರಿವೇಣಿ ಚಿತ್ರದ ನೀನಾ ಭಗವಂತ ಹಾಡಿನ ಮೂಲಕ ಸ್ಯಾಂಡಲ್ ವುಡ್ ಗೆ ಲಿರಿಕ್‌ ರೈಟರ್ ಆಗಿ ಎಂಟ್ರಿ ಕೊಟ್ಟ ಹಂಸಲೇಖ 500 ಕ್ಕೂ ಹೆಚ್ಚು ಹಾಡುಗಳಿಗೆ‌ ಹಾಡುಗಳನ್ನು ಬರೆದು ಸಂಗೀತ ನೀಡಿದ್ದಾರೆ.ಪ್ರೇಮಲೋಕ ಚಿತ್ರದ ಹಾಡುಗಳು ಇಂದಿಗೂ ಚಿತ್ರಪ್ರೇಮಿಗಳ ಬಾಯಲ್ಲಿ‌ ಗುನುಗುತ್ತಿವೆ.ರವಿಚಂದ್ರನ್ ಹಾಗು ಹಂಸಲೇಖ ಕಾಂಬಿನೇಷನ್ ನಲ್ಲಿ ಎರಡು ದಶಕಗಳ ಕಾಲ ಮೂಡಿಬಂದ ಹಾಡುಗಳು ಎವರ್ ಗ್ರೀನ್ ಗಳಾಗಿವೆ. ವರನಟ ಡಾ.ರಾಜ್ ಕುಮಾರ್ ಅವರಿಂದ ಹಿಡಿದು ಇತ್ತೀಚಿನ ನಟವರೆಗೆ ಬಹುತೇಕ ಎಲ್ಲ ಯಶಸ್ವಿ ನಾಯಕ ನಟರ‌ ಚಿತ್ರಗಳಿಗೂ ಸಂಗೀತ ನೀಡಿರುವ ಹೆಗ್ಗಳಿಕೆ ಹಂಸಲೇಖರದ್ದು.

ಸಾಹಿತ್ಯ,ಸಂಗೀತದ ಜೊತೆ ಸಂಭಾಷಣೆಯಲ್ಲೂ ಇವರದ್ದು ಎತ್ತಿದ ಕೈ.ಶ್ರೀಗಂಧದ ನಾಡಿನ ಸಾಂಸ್ಕೃತಿಕ ವೈಭವವನ್ನು ಅಕ್ಷರಗಳ ಮೂಲಕ‌ ಅಚ್ಚುಕಟ್ಟಾಗಿ ಕಟ್ಟುಕೊಡುವ ಜೊತೆಗೆ,ಆಧುನಿಕ ಶೈಲಿಯ ಗದ್ಯದ ಗೀತೆ ರಚಿಸಿ ಸಂಗೀತ ನೀಡಿ ಗೆದ್ದಿದ್ದಾರೆ.ಸಂಗೀತ ಕ್ಷೇತ್ರದ ಎಲ್ಲಾ ಆಯಾಮದಲ್ಲಿಯೂ ಸೈ ಎನಿಸಿಕೊಂಡಿದ್ದಾರೆ.

ಈಗ ತಮ್ಮದೇ ಆದ ಸಂಗೀತ ಶಾಲೆ ನಡೆಸುತ್ತಾ ಕಲಾಸೇವೆಯಲ್ಲಿ ತೊಡಗಿರುವ ನಾದಬ್ರಹ್ಮನಿಗೆ ಸ್ಯಾಂಡಲ್ ವುಡ್ ಹುಟ್ಟು ಹಬ್ಬದ ಶುಭ ಕೋರಿದೆ. ವಿಶೇಷವಾಗಿ ಕನಸುಗಾರ ವಿ.ರವಿಚಂದ್ರನ್ ವಿಶೇಷ ರೀತಿಯಲ್ಲಿ ಹಂಸಲೇಖ ಅವರಿಗೆ ಬರ್ತ್ ಡೇ ವಿಶ್ ಮಾಡಿದ್ದಾರೆ.

Photo credit: veeraswamy Ravichandran facebook page