ಇಸ್ರೇಲ್ನಲ್ಲಿ ರಾಷ್ಟ್ರೀಯ ಏಕತಾ ಸರ್ಕಾರಕ್ಕೆ ಲಿಕುಡ್ ಷರತ್ತುಗಳು
- by Suddi Loka
- November 22, 2026
- 9 Views
ಜೆರುಸಲೇಂ: ಇಸ್ರೇಲ್ನಲ್ಲಿ ರಾಷ್ಟ್ರೀಯ ಏಕತಾ ಸರ್ಕಾರ ರಚನೆಗೆ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರ ಲಿಕುಡ್ ಪಕ್ಷ ಹಲವು ಷರತ್ತುಗಳನ್ನು ಮುಂದಿಟ್ಟಿದೆ. ಗಾಜಾ, ಲೆಬನಾನ್ ಮತ್ತು ಸಿರಿಯಾದಲ್ಲಿ ಸ್ಥಾಪಿಸಿರುವ ಭದ್ರತಾ ವಲಯಗಳನ್ನು ಮುಂದುವರಿಸಬೇಕು ಎಂಬುದು ಪ್ರಮುಖ ಬೇಡಿಕೆಯಾಗಿದೆ.
ಗಾಡಿ ಐಸೆನ್ಕಾಟ್ ನೇತೃತ್ವದ ಯಶಾರ್ ಪಕ್ಷ ಮೈತ್ರಿ ಮಾತುಕತೆಗೆ ಆಹ್ವಾನಿಸಿದ್ದು, ಸರ್ಕಾರ ರಚನೆಗೆ ಸುದೀರ್ಘ ಚರ್ಚೆ ನಡೆಸಲು ಪ್ರಸ್ತಾಪಿಸಿದೆ.
ಇಸ್ರೇಲ್ ಯಹೂದಿ ರಾಷ್ಟ್ರ ಎಂಬುದನ್ನು ಮಾನ್ಯ ಮಾಡಬೇಕು, ಪ್ಯಾಲೆಸ್ತೀನ್ ರಾಷ್ಟ್ರ ಸ್ಥಾಪನೆಗೆ ವಿರೋಧಿಸಬೇಕು ಹಾಗೂ ಅತಿ ಸಂಪ್ರದಾಯವಾದಿ ಯಹೂದಿ ವಿದ್ಯಾರ್ಥಿಗಳ ಸೇನಾ ಸೇವೆ ಕುರಿತು ಒಪ್ಪಂದವಾಗಬೇಕು ಎಂಬ ಷರತ್ತುಗಳನ್ನೂ ಲಿಕುಡ್ ವಿಧಿಸಿದೆ.

2023ರ ಅಕ್ಟೋಬರ್ 7ರ ಹಮಾಸ್ ದಾಳಿಗೆ ಸಂಬಂಧಿಸಿದಂತೆ ರಾಜ್ಯ ತನಿಖಾ ಆಯೋಗ ರಚಿಸಬಾರದು ಎಂಬ ಬೇಡಿಕೆಯನ್ನೂ ಮುಂದಿಟ್ಟಿದೆ. ಆದರೆ, ವಿರೋಧ ಪಕ್ಷಗಳು ತನಿಖಾ ಆಯೋಗ ರಚನೆಗೆ ಒತ್ತಾಯಿಸುತ್ತಿವೆ.
ಅಕ್ಟೋಬರ್ 27ರ ಚುನಾವಣೆಯಲ್ಲಿ ನೆತನ್ಯಾಹು ವಿರೋಧಿ ಪಕ್ಷಗಳು ಸಂಸತ್ತಿನ 120 ಸ್ಥಾನಗಳಲ್ಲಿ 67 ಸ್ಥಾನಗಳನ್ನು ಗೆದ್ದಿವೆ. ಐಸೆನ್ಕಾಟ್ ಅವರಿಗೆ ಸರ್ಕಾರ ರಚಿಸಲು ಡಿಸೆಂಬರ್ 6ರವರೆಗೆ ಕಾಲಾವಕಾಶವಿದೆ.


Comments (0)