ಆರು ವರ್ಷದಲ್ಲಿ ಮೂರನೇ ಬ್ರಿಡ್ಜ್ ಕುಸಿತ, ಹಲವರಿಗೆ ಗಾಯ ಒಂದು ಸಾವು!

ಕೋಲ್ಕತ್ತ: ಸುಮಾರು 20 ಮೀಟರ್ ಎತ್ತರದ ಮೆಜರತ್ ಮೇಲ್ಸೇತುವ ಕುಸಿದಿದ್ದು, 25ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದು, ಒಬ್ಬರು ಸಾವನ್ನಪ್ಪಿದ್ದಾರೆ. ಗಾಯಗೊಂಡವರನ್ನು ಆಸ್ಪತ್ರೆಗೆ ಸೇರಿಸಲಾಗಿದೆ. ಕೊಲ್ಕಾತ್ತದಲ್ಲಿ ಕಳೆದ ಆರು ವರ್ಷಗಳಲ್ಲಿ ಕುಸಿದಿರುವ ಮೂರನೇ ಮೇಲ್ಸೇತುವೆ ಇದಾಗಿದೆ.

ವಾಹನಗಳು ಚಲಿಸುತ್ತಿರುವಾಗಲೇ ಮೇಲ್ಸೇತುವೆ ಕುಸಿದು ರೈಲು ಹಳಿಯ ಮೇಲೆ ಬಿದ್ದ ಘಟನೆ ನಿನ್ನೆ ಸಂಜೆ ಸಂಭವಿಸಿದ್ದು, ಹಲವರು ಸೇರುವೆ ಅವಶೇಷಗಳಡಿ ಸಿಲುಕಿಕೊಂಡಿದ್ದಾರೆ. ಮಂಗಳವಾರ ಸಂಜೆ ಘಟನೆ ಸಂಭವಿಸಿದ್ದು, ಕಚೇರಿಗಳಿಂದ ಹಿಂದಿರುಗುವ ಸಾವಿರಾರು ಮಂದಿ ಇದೇ ಬ್ರಿಡ್ಜ್ ಬಳಸುತ್ತಾರೆ.

1965 ರಲ್ಲಿ ಕಾಲುವೆ ಮತ್ತು ರೈಲ್ವೇ ಹಳಿ ದಾಟಲು ಈ ಬ್ರಿಡ್ಜ್ ನಿರ್ಮಾಣ ಮಾಡಲಾಗಿತ್ತು. ಪೀಕ್ ಅವರ್‌ನಲ್ಲಿ ಸುಮಾರು 4 ಸಾವಿರ ವಾಹನಗಳು, 10 ಸಾವಿರ ಜನರು ಈ ಮೇಲ್ಸೇತುವೆ ಬಳಸುತ್ತಾರೆ.

ಮೇಲ್ಸೇತುವೆ ಅವಶೇಷಗಳಡಿ ಸಿಲುಕಿರುವವರ ರಕ್ಷಣಾ ಕಾರ್ಯ ನಡೆತುತ್ತಿದ್ದು, 60 NDRF ಸಿಬ್ಬಂದಿ, 150 ಅಗ್ನಿಶಾಮಕ ದಳದ ಸಿಬ್ಬಂದಿ ಹಾಗೂ 400 ಪೊಲೀಸರು ರಕ್ಷಣಾ ಕಾರ್ಯದಲ್ಲಿ ನಿರತರಾಗಿದ್ದಾರೆ‌. ಈ ವರೆಗೆ 21 ಮಂದಿಯನ್ನು ರಕ್ಷಿಸಿ ಆಸ್ಪತ್ರೆಗೆ ಸೇರಿಸಲಾಗಿದೆ. ಇದಲ್ಲಿ ಇಬ್ಬರು ಗಂಬೀರವಾಗಿ ಗಾಯಗೊಂಡಿದ್ದಾರೆ ಎಂದು ತಿಳಿದು ಬಂದಿದೆ.

ಘಟನೆಯಲ್ಲಿ ಸಾವನ್ನಪ್ಪಿರುವ ಕುಟುಂಬಗಳಿಗೆ 5 ಲಕ್ಷ ರೂಪಾಯಿ ಹಾಗೂ ಗಾಯಗೊಂಡಿರುವವರಿಗೆ 50 ಸಾವಿರ ರೂಪಾಯಿಗಳ ಪರಿಹಾರವನ್ನು ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಘೋಷಿಸಿದ್ದಾರೆ.