ಬೈಕ್‌ಗಳ ನಡುವೆ ಡಿಕ್ಕಿ: ಸಿನಿಮೀಯ ರೀತಿಯಲ್ಲಿ ಬಚಾವಾದ ಬಾಲಕ
- by Suddi Team
- August 21, 2018
- 43 Views
ಬೆಂಗಳೂರು: ನೆಲಮಂಗಲದ ಬಳಿ ನಡೆದಿರುವ ಅಪಘಾತ ಒಂದರಲ್ಲಿ ಪುಟ್ಟ ಬಾಲಕನೊಬ್ಬನೇ ಬೈಕ್ ನಲ್ಲಿ 500 ಮೀಟರ್ ದೂರ ಹೋಗಿ ಸಾವಿನ ದವಡೆಯಿಂದ ಪಾರಾಗಿರುವ ಪವಾಡ ಸದೃಶ ಘಟನೆ ಸಂಭವಿಸಿದೆ ಈ ವಿಡಿಯೋ ಇದೀಗ ಸಾಮಾಜಿಕ ಜಾಲ ತಾಣಗಳಲ್ಲಿ ವೈರಲ್ ಆಗಿದೆ.
ಎನ್.ಎಚ್.4 ರಸ್ತೆಯಲ್ಲಿ ತಂದೆ-ತಾಯಿ ಮತ್ತು ಮಗು ಬೈಕ್‌ನಲ್ಲಿ ಚಲಿಸುತ್ತಿರುವಾಗ ಎರಡು ಬೈಕ್‌ಗಳ ನಡುವೆ ಡಿಕ್ಕಿ ಸಂಭವಿಸಿದೆ. ಅಪಘಾತವಾದ ತಕ್ಷಣ ತಂದೆ-ತಾಯಿ ಇಬ್ಬರೂ ಬೈಕ್‌ನಿಂದ ಕೆಳೆಗೆ ಬಿದ್ಧಿದ್ದಾರೆ. ಆದರೆ, ಪುಟ್ಟ ಬಾಲಕ ಮಾತ್ರ ಅದೇ ಬೈಕ್‌ನಲ್ಲಿ ಸುಮಾರು 500 ಮೀಟರ್ ಮುಂದೆ ಹೋಗಿ ಡಿವೈಡರ್ ಮೇಲೆ ಬಿದ್ದಿದ್ದಾನೆ.
ತಕ್ಷಣ ಸ್ಥಳೀಯರು ಬಂದು ಬಾಲಕನನ್ನು ಎತ್ತಿಕೊಂಡಿದ್ದಾರೆ. ಅದೃಷ್ಟವಶಾತ್ ಬಾಲಕನಿಗೆ ಯಾವುದೇ ತೊಂದರೆಯಾಗಿಲ್ಲ. ಈ ಘಟನೆ ವಿಡಿಯೋ ಇದೀಗ ಸಾಮಾಜಿಕ ಜಾಲ ತಾಣಗಳಲ್ಲಿ ವೈರಲ್ ಆಗಿದೆ.
Comments (0)