ಕೋವಿಡ್-19 ಗೆ ಮೊದಲ ಲಸಿಕೆ ಕಂಡುಹಿಡಿದ ರಷ್ಯಾ: ಕೊರೊನಾ ಲಸಿಕೆ ನೋಂದಣಿ, ನಾಳೆಯಿಂದ ರಷ್ಯಾದಲ್ಲಿ ಲಸಿಕೆ ಲಭ್ಯ

by Suddi Team
August 11, 2020
14 Views

ನವದೆಹಲಿ: ಇಡೀ ವಿಶ್ವವನ್ನೇ ಕಾಡುತ್ತಿರುವ ಕೋವಿಡ್-19 ಗೆ ರಷ್ಯಾ ಮೊದಲ ಲಸಿಕೆಯನ್ನು ನೋಂದಣಿ ಮಾಡಿಸಿದೆ.ನಾಳೆಯಿಂದ ರಷ್ಯಾದಲ್ಲಿ ಲಸಿಕೆ ಸಾರ್ವಜನಿಕರಿಗೆ ಲಭ್ಯವಾಗಲಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ.

ಕಡೆಗೂ ಕೊರೊನಾಗೆ ಮೊದಲ ಲಸಿಕೆಯನ್ನು ರಷ್ಯಾ ಕಂಡುಹಿಡಿದಿದ್ದು ಇಂದು ಲಸಿಕೆಯನ್ನು ನೋಂದಣಿ ಮಾಡಿದೆ ಎಂದು ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಪ್ರಕಟಿಸಿದ್ದಾರೆ ಅಲ್ಲದೆ ಮೊದಲ ಲಸಿಕೆಯನ್ನು ಕೊರೊನಾ ಸೋಂಕಿಗೆ ಸಿಲುಕಿರುವ ತಮ್ಮ ಪುತ್ರಿಗೆ ಕೊಡಿಸುವ ಹೇಳಿಕೆ ನೀಡಿ ಲಸಿಕೆ ಮೇಲೆ ಭರವಸೆ ಮೂಡುವಂತೆ ಮಾಡಿದ್ದಾರೆ.

ಎಲ್ಲಾ ಹಂತರ ಪ್ರಯೋಗಗಳನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ ನಂತರವೇ ಲಸಿಕೆ ನೋಂದಣಿ ಮಾಡಿದ್ದು, ನಾಳೆಯಿಂದ ಸಾರ್ವಜನಿಕವಾಗಿ ಲಭ್ಯವಾಗಲಿದೆ ಅಲ್ಲದೆ ಉತ್ಪಾದನೆ ಮಾಡಿ ಬೇರೆ ದೇಶಗಳಿಗೆ ವಿತರಣೆಯನ್ನು ಮಾಡಲಿದೆ ಎನ್ನಲಾಗುತ್ತದೆ.

ಅಮೆರಿಕಾ,ಭಾರತ ಸೇರಿದಂತೆ ವಿಶ್ವದ ಹಲವು ರಾಷ್ಟ್ರಗಳು ಕೊರೊನ ಲಸಿಕೆಗಾಗಿ ಸಂಶೋಧನೆ ನಡೆಸುತ್ತಿವೆ ಆದರೆ ರಷ್ಯಾ ಮಾತ್ರ ಯಶಸ್ವಿಯಾಗಿದೆ.ಇತರ ರಾಷ್ಟ್ರಗಳು ಸಂಶೋಧನೆ ಮುಂದುವರೆಸಿವೆ.