ಭಾರತಕ್ಕೆ ಬಂದಿಳಿದ ರಫೇಲ್ ಫೈಟರ್ ಜೆಟ್ ಯುದ್ದ ವಿಮಾನಗಳು

ಹರ್ಯಾಣ: ದೇಶದ ರಕ್ಷಣಾ ವ್ಯವಸ್ಥೆ ಬಲಪಡಿಸುವ ರಫೇಲ್ ಯುದ್ದ ವಿಮಾನಗಳು ದೇಶಕ್ಕೆ ಹಸ್ತಾಂತರವಾಗಿದ್ದು ಮೊದಲ ಸರಣಿಯ ಫೈಟರ್ ಜೆಟ್ ಗಳು ಲ್ಯಾಂಡ್ ಆಗಿವೆ.

ಎರಡು ದಿನಗಳ ಹಿಂದೆ ಫ್ರಾನ್ಸ್ ನಿಂದ ಹೊರಟಿದ್ದ ಆರು ಫೈಟರ್ ಜೆಟ್ ಗಳು ಏಳು ಸಾವಿರ ಕಿಲೋಮೀಟರ್ ಸಂಚರಿಸಿ ಭಾರತವನ್ನು ತಲುಪಿವೆ, ನಿನ್ನೆ ಪೈಲಟ್ ಗಳ ವಿಶ್ರಾಂತಿ ಕಾರಣಕ್ಕೆ ಅಬುದಾಬಿಯಲ್ಲಿ ಲ್ಯಾಂಡ್ ಆಗಿದ್ದ ಯುದ್ದ ವಿಮಾನಗಳು ಇಂದು ದೇಶದ ಹರಿಯಾಣದಲ್ಲಿರುವ ಅಂಬಾಲಾ ವಾಯುನೆಲೆಯಲ್ಲಿ ಬಂದಿಳಿದವು.

59 ಸಾವಿರ ಕೋಟಿ ವೆಚ್ಚದಲ್ಲಿ ಫ್ರಾನ್ಸ್ ನ ಡಸಾಲ್ಡ್ ಏವಿಯೇಷನ್ ಜೊತೆ 36 ರಫೇಲ್ ಯುದ್ದ ವಿಮಾನ ಖರೀದಿಗೆ ಒಪ್ಪಂದ ಮಾಡಿಕೊಳ್ಳಲಾಗಿತ್ತು ಅದರಂತೆ ಇಂದು 5 ವಿಮಾನ ದೇಶವನ್ನು ತಲುಪಿದ್ದು ಉಳಿದ ವಿಮಾನಗಳು 2021 ರ ಅಂತ್ಯದ ವೇಳೆಗೆ ಭಾರತಕ್ಕೆ ಹಸ್ತಾಂತರವಾಗಲಿವೆ.

ಜಗತ್ತಿನ ಅತ್ಯಾಧುನಿಕ ಯುದ್ದ ವಿಮಾನಗಳಲ್ಲಿ ರಫೇಲ್ ಒಂದಾಗಿದ್ದು ವಾಯುಪಡೆಯ ಸಾಮರ್ಥ್ಯವನ್ನು ಹೆಚ್ಚಿಸಿದೆ.ಪಾಕಿಸ್ತಾನ ಹಾಗು ಚೀನಾ ಗಡಿ ಕ್ಯಾತೆಗೆ ತಕ್ಕ ಉತ್ತರ ನೀಡಲು ಭಾರತಕ್ಕೆ ಈಗ ರಫೇಲ್ ಬಲ ಸಿಕ್ಕಂತಾಗಿದೆ.