ಬೆಂಗಳೂರು: ಕೇಂದ್ರ ಸರ್ಕಾರದ 20 ಲಕ್ಷ ಕೋಟಿ ಕೋವಿಡ್-19 ವಿಶೇಷ ಪ್ಯಾಕೇಜ್ ನ ಅಸಲಿಯತ್ತನ್ನ ಮಾಜಿ ಸಿಎಂ ಎಚ್.ಡಿ.ಕುಮಾರಸ್ವಾಮಿ ಜನರ ಮುಂದಿಟ್ಟಿದ್ದಾರೆ. ದೇಶದ ಜನರನ್ನ ಮೋದಿ ಸರ್ಕಾರ ಲಘುವಾಗಿ ಪರಿಗಣಿಸಿದ್ದಾರೆ. ನಾವು ಏನ್ ಹೇಳಿದ್ರು ಜನ ನಂಬ್ತಾರೆ ಅಂತಾ ತಿಳ್ಕೊಂಡಿದ್ದಾರೆ ಅಂತಾ ಕೇಂದ್ರ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ್ರು.

ಕೊರೋನಾ ವೈರಸ್ ನಿಂದ ಪಾತಾಳಕ್ಕೆ ಕುಸಿದಿರೋ ದೇಶದ ಆರ್ಥಿಕತೆ ಯನ್ನ ಮೇಲೆತ್ತಲು ಕೇಂದ್ರ ಸರ್ಕಾರ 20 ಲಕ್ಷ ಕೋಟಿ ಪ್ಯಾಕೇಜ್ ಘೋಷಿಸಿತ್ತು. ಪ್ಯಾಕೇಜ್ ಕುರಿತು ಸುದ್ಧಿಗೋಷ್ಠಿಯಲ್ಲಿ ಮಾತನಾಡಿದ ಎಚ್ಡಿಕೆ, 20 ಲಕ್ಷ ಕೋಟಿ ಪ್ಯಾಕೇಜ್ ಯಾರ ನೆರವಿಗೂ ಬರುವುದಿಲ್ಲ ಅಂತಾ ಆರೋಪಿಸಿದ್ರು.

ಕೇಂದ್ರದ ಫೈನಾನ್ಸ್ ಕಮಿಷನ್ ಕೊಟ್ಟಿರುವ ಶಿಫಾರಸ್ಸನ್ನು ಸರ್ಕಾರ ಹೇಗೆ ಪರಿಗಣಿಸುತ್ತದೆ? ಎಂದು ಪ್ರಶ್ನಿಸಿದ ಕುಮಾರಸ್ವಾಮಿ. ಪ್ಯಾಕೇಜ್ ಘೋಷಣೆ ಮಾಡುವುದರಲ್ಲಿ ಆತುರ ಬೇಡ. ಆರ್ಥಿಕವಾಗಿ ಬಲಾಢ್ಯರನ್ನಾಗಿ ಮಾಡಲು ಹೋಗಿದ್ದೀರಿ. ಎಂಎಸ್ಎಂಇ ಗೆ ಘೋಷಿಸಿರೋ 6.54 ಲಕ್ಷ ಕೋಟಿ ರೂಪಾಯಿಗಳ ಪ್ಯಾಕೇಜ್ ನಲ್ಲಿ ಕೇಂದ್ರ ಸರ್ಕಾರದ ಪಾಲು ಕೇವಲ 2500 ಕೋಟಿ ಅಷ್ಟೇ. ಅದರಲ್ಲಿ ಕೇಂದ್ರ ಸರ್ಕಾರದ ಪಾಲು ದೊಡ್ಡದೇನು ಇಲ್ಲ. 13 ನೇ ತಾರೀಖಿನ ಪ್ಯಾಕೇಜ್‌ ದೊಡ್ಡಮಟ್ಟದಲ್ಲಿ ಯಾರ ನೆರವಿಗೂ ಬರುವುದಿಲ್ಲ ಅಂತಾ ಮಾಹಿತಿ ನೀಡಿದ್ರು.

ಸಾಲ ಕೊಡುತ್ತೇವೆ ಎಂದು 3 ಲಕ್ಷ ಕೋಟಿ ಘೋಷಿಸಿದ್ದಾರೆ. ಈ 3 ಲಕ್ಷ ಕೋಟಿ ಕೇಂದ್ರ ಸರ್ಕಾರದ ಖಜಾನೆಯಿಂದ ಕೊಡುವುದಲ್ಲ. ಅದು ಹಣಕಾಸು ಸಂಸ್ಥೆಗಳು ಮತ್ತು ಬ್ಯಾಂಕ್‌ಗಳಿಂದ ಕೊಡುವುದು. 2019 ರಲ್ಲಿ ಎಂಎಸ್ಎಂಇಗೆ ದೇಶದ ಎಲ್ಲಾ ಬ್ಯಾಂಕ್ ಗಳು 87.67 ಲಕ್ಷ ಕೋಟಿ ಸಾಲ ನೀಡಿದ್ದಾರೆ. ಎಂಎಸ್ಎಂಇಗೆ 100 ಲಕ್ಷ ಕೋಟಿ ಸಾಲ ನೀಡುವಷ್ಟು ಸಾಮರ್ಥ್ಯ ಬ್ಯಾಂಕ್ ಗಳಿಗಿದೆ. ಅದನ್ನ 3 ಲಕ್ಷ ಕೋಟಿಗೆ ಯಾಕೆ ಇಳಿಸಿದ್ರಿ ಅಂತಾ ಪ್ರಶ್ನಿಸಿದ್ರು. ಇನ್ನೂ ಮ್ಯೂಚುಯಲ್‌ ಫಂಡ್‌‌ಗೆ 50 ಸಾವಿರ ಕೋಟಿ ಕೊಡುತ್ತೇವೆ ಎಂದಿದ್ದಾರೆ. ಇದು ನಾಳೆ ನಮ್ಮ ಕೈ ಸೇರುವುದಿಲ್ಲ ಅಂತಾ ವಾಗ್ದಾಳಿ ನಡೆಸಿದ್ರು.

ರಾಜ್ಯ ಸರ್ಕಾರದ 1610 ಕೋಟಿ ರೂಪಾಯಿಗಳ ಪ್ಯಾಕೇಜ್‌ನಲ್ಲಿ ಅಟೋ ಚಾಲಕರಿಗೆ ಸೇವಾ ಸಿಂಧು ಮೂಲಕ ಪರಿಹಾರ ನೀಡುತ್ತಿದ್ದಾರೆ. ಇದಕ್ಕೆ ನಾನು ಅವತ್ತು ಸರ್ಕಾರಕ್ಕೆ ಹೇಳಿದ್ದೇ. ಹೂವು ಮುಡಿಸುವ ಕೆಲಸ ಮಾಡಬೇಡಿ ಅಂತಾ. 7.75 ಲಕ್ಷ ಚಾಲಕರಿಗೆ 5 ಸಾವಿರ ರೂಪಾಯಿಗಳನ್ನು ನೀಡುತ್ತೇವೆ ಎಂದಿದ್ದಾರೆ. 20 ಕೋಟಿ ಸರ್ಕಾರದ ಕಡೆಯಿಂದ ‌ಬಿಡುಗಡೆಯಾಗಿದೆ. 20 ಕೋಟಿ ರೂಪಾಯಿಗಳನ್ನು ಎಷ್ಟು ಚಾಲಕರಿಗೆ ಕೊಡಲು ಸಾಧ್ಯ?
ಅವರ ಮಾನದಂಡದಂತೆ ಇರುವುದು ಏನು? ಆರ್ಥಿಕವಾಗಿ ಸದೃಢವಾದ ಚಾಲಕರಿಗೆ ನೀಡುವುದಿಲ್ಲ ಎನ್ನುತ್ತಾರೆ. ಇದು ಎಷ್ಟರಮಟ್ಟಿಗೆ ಸರಿ? ಇಂಗ್ಲೀಷ್ ಮಾತನ್ನಾಡಲು ಬರುತ್ತದೆ ಎಂದು ಜನರಿಗೆ ಮೋಸ ಮಾಡಬೇಡಿ ಎಂದು ಕೇಂದ್ರ ಹಾಗೂ ರಾಜ್ಯ ಸರ್ಕಾರದ ವಿರುದ್ಧ ಕಿಡಿಕಾರಿದ್ರು.