‘ಅಮರಾವತಿ ಪೊಲೀಸ್ ಠಾಣೆ’ಯಲ್ಲಿ ಧರ್ಮ ಕೀರ್ತಿರಾಜ್, ಗುರುರಾಜ್ ಜಗ್ಗೇಶ್

ಬೆಂಗಳೂರು: ಧರ್ಮ ಕೀರ್ತಿರಾಜ್, ಗುರುರಾಜ್ ಜಗ್ಗೇಶ್ ಮತ್ತು ವೇದ್ವಿಕಾ ಅಭಿನಯದ ಕನ್ನಡ ಚಿತ್ರ ‘ಅಮರಾವತಿ ಪೊಲೀಸ್ ಠಾಣೆ’ಯ ಟ್ರೈಲರ್ ಬಿಡುಗಡೆಯಾಗಿದೆ.

ಪುನಿತ್ ಅರಸೀಕೆರೆ ಕಥೆ ಬರೆದು ನಿರ್ದೇಶಿಸಿರುವ ಈ ಚಿತ್ರವನ್ನು ಪವರ್ ಪಿಕ್ಚರ್ಸ್ ಮತ್ತು ಎನ್. ಅನಿತಾ ಸುಖೇಂದ್ರ ನಿರ್ಮಿಸಿದ್ದಾರೆ. ಚಿತ್ರದಲ್ಲಿ ಶಶಿಕುಮಾರ್, ರಮೇಶ್ ಭಟ್, ಮಾಳವಿಕಾ ಅವಿನಾಶ್, ಜಿರಳೆ ಸುಧಿ ಹಾಗೂ ಭಜರಂಗಿ ಪ್ರಸನ್ನ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

ರೋಣದ ಬಕ್ಕೇಶ್ ಮತ್ತು ಡಾ. ವಿ. ನಾಗೇಂದ್ರ ಪ್ರಸಾದ್ ಸಂಗೀತ ಸಂಯೋಜಿಸಿದ್ದು, ನಾಗೇಂದ್ರ ಪ್ರಸಾದ್ ಸಾಹಿತ್ಯ ರಚಿಸಿದ್ದಾರೆ. ಬಕ್ಕೇಶ್ ಹಿನ್ನೆಲೆ ಸಂಗೀತ ನೀಡಿದ್ದಾರೆ.

ಗೌತನ್ ಮಟ್ಟಿ ಮತ್ತು ಬೆನಕರಾಜು ಛಾಯಾಗ್ರಹಣ ನಿರ್ವಹಿಸಿದ್ದು, ದೀಪು ಸಿ.ಎಸ್. ಸಂಕಲನ ಮಾಡಿದ್ದಾರೆ. ಸಾಹಸ ದೃಶ್ಯಗಳಿಗೆ ಸ್ಟೈನ್ ಸಾಗರ್ ಮತ್ತು ಕುಂಗ್-ಫು ಚಂದ್ರು ಸಾಹಸ ಸಂಯೋಜನೆ ನೀಡಿದ್ದಾರೆ.

ಪವರ್ ಪಿಕ್ಚರ್ಸ್ ಬ್ಯಾನರ್‌ನಲ್ಲಿ ಚಿತ್ರ ನಿರ್ಮಾಣವಾಗಿದ್ದು, ಆಡಿಯೊವನ್ನು ಎ2 ಮ್ಯೂಸಿಕ್ ಬಿಡುಗಡೆ ಮಾಡಿದೆ.