ಹೈದರಾಬಾದ್‌ನಲ್ಲಿ ಮಗು ಅಪಹರಣ ಪ್ರಕರಣ: ಬೀದರ್‌ನಲ್ಲಿ ಹುಡುಕಾಟ

by Suddi Team
July 3, 2018
108 Views

ಬೀದರ್: ಹೈದ್ರಾಬಾದ್ ನ ಕೋಟಿ ಹೆರಿಗೆ ಆಸ್ಪತ್ರೆಯಿಂದ ನವಜಾತ ಹೆಣ್ಣು ಶಿಶುವನ್ನು ಅಪಹರಿಸಿದ ಮಹಿಳೆಯನ್ನು ಬೆನ್ನತ್ತಿ ತೆಲಂಗಾಣಾ ಪೊಲೀಸರು ಬೀದರ್ ನಲ್ಲಿ ಹುಡುಕಾಟ ನಡೆಸಿದ್ದಾರೆ.

ವಿಜಯಾ ಎಂಬ ಮಹಿಳೆ ಕಳೆದ ಜೂನ್ ೨೭ ರಂದು ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದರು. ನಿನ್ನೆ ಮಗುವಿಗೆ ಕೋಟಿ ಹೆರಿಗೆ ಆಸ್ಪತ್ರೆಯಲ್ಲಿ ಲಸಿಕೆ ಹಾಕಿಸಲು ಹೋದಾಗ ನೀಲಿಬಣ್ಣದ ಸೀರೆ ಉಟ್ಟ ಇನ್ನೊಬ್ಬ ಮಹಿಳೆ ತಾಯಿ ಬಳಿಯ ಮಗುವನ್ನು ಎತ್ತು ಕೊಂಡಿದ್ದಾಳೆ. ಆಸ್ಪತ್ರೆಯ ಸಹಾಯಕಳಿರಬಹುದೆಂದು ತಿಳಿದ ತಾಯಿ, ಮಗುವನ್ನು ಮಹಿಳೆ ಕೈಗೆ ಕೊಟ್ಟಿದ್ದಾರೆ.

ಮಗುವನ್ನು ತೆಗೆದುಕೊಂಡು ಹೊದ ಆ ಮಹಿಳೆ ಕಣ್ಣುತಪ್ಪಿಸಿ ನೇರವಾಗಿ ಹೈದ್ರಾಬಾದ್ ನ ಎಂ.ಜಿ. ಬಸ್ ನಿಲ್ದಾಣದಿಂದ ಬೀದರ್ ಕಡೆ ಪ್ರಯಾಣ ಬೆಳೆಸಿದ್ದಾಳೆ. ಮಗುವನ್ನು ತೆಗೆದುಕೊಂಡು ಹೋಗಿ ಒಂದು ಗಂಟೆಯಾದ್ರೂ ಬರದೆ ಇದ್ದಾಗ ವಿಜಯಾ ವಿಷಯವನ್ನು ಗಂಡನಿಗೆ ತಿಳಿಸಿದ್ದಾರೆ. ನಂತರ ಆಸ್ಪತ್ರೆಯಲ್ಲಾ ಜಾಲಾಡಿದ್ರು ಮಗು ಸಿಗದಿದ್ದಾಗ ಪೊಲೀಸರಿಗೆ ದೂರು ನೀಡಲಾಗಿದೆ. ಪೊಲೀಸರು ಆಸ್ಪತ್ರೆ ಮತ್ತು ಬಸ್ ನಿಲ್ದಾಣದ ಸಿಸಿಟಿವಿ ದೃಶ್ಯ ಪರಿಶೀಲಿಸಿದಾಗ ಮಗುವನ್ನು ಅಪಹರಿಸಿರುವುದು ಪತ್ತೆಯಾಗಿದೆ. ಸಿಸಿಟಿವಿ ದೃಶ್ಯಗಳನ್ನು ಆಧರಿಸಿ ತೆಲಂಗಾಣಾ ಪೊಲೀಸರು ಬೀದರ್ ಗೆ ಆಗಮಿಸಿದ್ದು, ಹುಡುಕಾಟ ನಡೆಸಿದ್ದಾರೆ.