ವಿವಿಐಪಿ ಜೊತೆ ಮೊದಲ ಸೆಲ್ಫಿ ಕ್ಲಿಕ್ಕಿಸಿಕೊಂಡ ಕನಸುಗಾರ:ಆ ವಿವಿಐಪಿ ಯಾರು ಗೊತ್ತಾ?

ಫೋಟೋ ಕೃಪೆ :ಇನ್ಟ್ರಾಗ್ರಾಂ

ಬೆಂಗಳೂರು:ಪ್ರೇಮಲೋಕದ ಸರದಾರ ರವಿಚಂದ್ರನ್ ಜೊತೆ ಅದೆಷ್ಟು ಜನ ಸೆಲ್ಫಿ ತಗೊಂಡಿದಾರೋ ಲೆಕ್ಕಕ್ಕಿಲ್ಲ,ಆದ್ರೆ ಕೈ ಹಿಡಿದ ಸತಿ ಸುಮತಿ ಮಾತ್ರ ವರ್ಷಗಟ್ಟಲೇ ಕಾಯಬೇಕಾಯ್ತು ಒಂದು ಸೆಲ್ಫಿಗೆ.

ಹೌದು, ರವಿಚಂದ್ರನ್ ಸಿನಿಮಾವನ್ನೇ ಉಸಿರಾಗಿಸಿಕೊಂಡರೂ ಕ್ಯಾಮರಾವನ್ನೇ ಬದುಕಾಗಿಸಿಕೊಂಡರೂ ಎಂದೂ ಸೆಲ್ಫಿ ಗೀಳು ಹಚ್ಚಿಕೊಂಡವರಲ್ಲ,ಸಾವಿರಾರು ಅಭಿಮಾನಿಗಳು ಮುಗಿಬಿದ್ದು ಸೆಲ್ಫಿ ತೆಗೆದುಕೊಂಡಿದ್ದಾರೆ,ಆದ್ರೆ ರವಿಮಾಮ ಮಾತ್ರ ಯಾರೊಂದಿಗೂ ಯಾವ ಸೆಲೆಬ್ರಟಿಯೊಂದಿಗೂ ಸೆಲ್ಫಿ ತೆಗೆದುಕೊಳ್ಳಲು ಹೋಗಲಿಲ್ಲ.ಆದ್ರೆ ಅವರ ಜೀವನದ ಪ್ರಮುಖ ವ್ಯಕ್ತಿಗಾಗಿ ಕನಸುಗಾರ ಮೊದಲ ಬಾರಿ ಸೆಲ್ಫಿ ತೆಗೆದುಕೊಂಡಿದ್ದಾರೆ.

ಪತ್ನಿ ಸುಮತಿ ಜೊತೆ ಸೆಲ್ಫಿ ಕ್ಲಿಕ್ಕಿಸಿಕೊಂಡಿರುವ ರವಿಮಾಮನ ಫೋಟೋ ಇದೀಗ ವೈರಲ್ ಆಗಿದೆ.ಸಾಮಾಜಿಕ ಜಾಲತಾಣದಲ್ಲಿ ಇದೇ ಸುದ್ದಿಯಾಗಿದೆ.ಹಿರಿಯ ಪುತ್ರ ಮನೋರಂಜನ್ ಈ ಫೋಟೋವನ್ನು ತಮ್ಮ ಇನ್ಟ್ರಾಗ್ರಾಂ ಖಾತೆಯಲ್ಲಿ ಹಾಕಿಕೊಳ್ಳುವ ಮೂಲಕ ಅಮ್ಮನೊಂದಿಗೆ ಅಪ್ಪ ತೆಗೆದುಕೊಂಡ ಮೊದಲ ಸೆಲ್ಫಿ ಫೋಟೋವನ್ನು ಕ್ರೇಜಿ ಸ್ಟಾರ್ ಅಭಿಮಾನಿಗಳಿಗಾಗಿ ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ್ದಾರೆ.

ಎಂದಿಗೂ ಸೆಲ್ಫಿ ತೆಗೆದುಕೊಳ್ಳದ ಅಪ್ಪ ಇಂದು ಮೊದಲ ಬಾರಿಗೆ ಅಮ್ಮನಿಗಾಗಿ ಅವರೊಂದಿಗೆ ಸೆಲ್ಫಿ ತೆಗೆದುಕೊಂಡಿದ್ದಾರೆ ಎಂದು ಮನೋರಂಜನ್ ಪೋಸ್ಟ್ ನಲ್ಲಿ ಬರೆದುಕೊಂಡಿದ್ದಾರೆ.