ಕೋವಿಡ್ ನಿಯಂತ್ರಣದಲ್ಲಿ ಬೆಂಗಳೂರು ಮಾದರಿ ನಗರ,ರಾಜ್ಯದ ಸ್ಥಿತಿಗತಿ ಸುತ್ತಾ ಒಂದು ಸುತ್ತು

ಬೆಂಗಳೂರು: ಕೋವಿಡ್ ನಿಯಂತ್ರಣದಲ್ಲಿ ದೇಶದಲ್ಲೇ ಅತ್ಯುತ್ತಮ ತೋರಿದ ನಾಲ್ಕು ನಗರಗಳ ಪಟ್ಟಿಯಲ್ಲಿ ಸಿಲಿಕಾನ್ ಸಿಟಿ ಬೆಂಗಳೂರು‌ ಸ್ಥಾನ ಪಡೆದುಕೊಂಡಿದ್ದು ರಾಜ್ಯದ ಕೋವಿಡ್ ನಿರ್ವಹಣೆಯಲ್ಲಿ ಹೆಮ್ಮೆ ಪಡುವ ಸಾಧನೆ ಮಾಡಿದೆ.

ಬೆಂಗಳೂರು ಮಾದರಿ ನಗರ ಎನ್ನುವ ಘೋಷಣೆ ಹೊರಬೀಳುತ್ತಿದ್ದಂತೆ ಮುಖ್ಯಮಂತ್ರಿ ಸೇರಿದಂತೆ ಸಚಿವರು ಸಂತಸ ವ್ಯಕ್ತಪಡಿಸಿದ್ದು ಕೊರೊನಾ ವಾರಿಯರ್ಸ್‌ ಗೆ ಅಭಿನಂದನೆ ಸಲ್ಲಿಕೆ ಮಾಡಿದ್ದಾರೆ.

ರಾಜ್ಯದಲ್ಲಿನ ಕೋವಿಡ್-19 ಸ್ಥಿತಿ-ಗತಿ ಕುರಿತು ಕೆಲವು ಅಂಕಿ ಅಂಶಗಳನ್ನು ಶಿಕ್ಷಣ ಸಚಿವ ಸುರೇಶ್ ಕುಮಾರ್ ಬಿಡುಗಡೆ ಮಾಡಿದ್ದಾರೆ. ಅದರ ಸಮಗ್ರ ಮಾಹಿತಿ ಇಲ್ಲಿದೆ.

* ರಾಜ್ಯದಲ್ಲಿ 10 ಲಕ್ಷ ಜನಗಳ ಪೈಕಿ 32.05 ವ್ಯಕ್ತಿಗಳಿಗೆ ಕೋವಿಡ್ ಸೋಂಕು ತಗುಲಿದೆ. ಇಡೀ ದೇಶದಲ್ಲಿ ನಮ್ಮ ರಾಜ್ಯ ಸೋಂಕಿತರ ಪ್ರಮಾಣ ದೃಷ್ಟಿಯಿಂದ 13 ನೇ ಸ್ಥಾನದಲ್ಲಿದೆ.

* ಇಂದು ಗುಣಮುಖರಾಗಿ ಆಸ್ಪತ್ರೆಗಳಿಂದ ಬಿಡುಗಡೆಯಾದವರ ಸಂಖ್ಯೆ : 51.

ಇದುವರೆವಿಗೆ 705 ಮಂದಿ ಗುಣಮುಖರಾಗಿ ಆಸ್ಪತ್ರೆಗಳಿಂದ ಬಿಡುಗಡೆಯಾಗಿದ್ದಾರೆ.

* ಇಂದು ಸಂಭವಿಸಿರುವ ಎರಡು (2) ಸಾವುಗಳೂ ಸೇರಿದಂತೆ ಇದುವರೆವಿಗೆ ಕೊವಿಡ್19 ಸಂಬಂಧಿತ ಒಟ್ಟು 44 ಸಾವುಗಳು ಸಂಭವಿಸಿವೆ.

* ಒಟ್ಟು 2182 ಪಾಸಿಟಿವ್ ಪ್ರಕರಣಗಳ ಪೈಕಿ 44 ಸಾವುಗಳು ಸಂಭವಿಸಿದ್ದು,ರಾಜ್ಯದಲ್ಲಿನ_ಕೋವಿಡ್19 ಸಂಬಂಧಿತ ಸಾವಿನ_ಪ್ರಮಾಣ 2%.

(ಪ್ರತಿ ಸಾವೂ ಸಹ ಆ ಕುಟುಂಬಗಳಿಗೆ ಭರಿಸಲಾರದ ನೋವು ತರುತ್ತವೆ).

* ಇಡೀ ದೇಶದಲ್ಲಿ ಅತ್ಯಂತ ಕಡಿಮೆ ಪ್ರಮಾಣದ ಸಾವು ಸಂಭವಿಸಿರುವ ರಾಜ್ಯಗಳಲ್ಲಿ ನಮ್ಮ ರಾಜ್ಯವೂ ಒಂದು.

* ಇಂದಿನ 1431 ಕೋವಿಡ್ 19 ಪಾಸಿಟಿವ್ ಪ್ರಕರಣಗಳ ಪೈಕಿ 27 ಮಂದಿ ಅಂದರೆ ಕೇವಲ 1.18% ಮಾತ್ರ ICU ನಲ್ಲಿದ್ದಾರೆ.

ಉಳಿದ 1414 ವ್ಯಕ್ತಿಗಳು ವಿವಿಧ ಆಸ್ಪತ್ರೆಗಳ ಐಸೋಲೇಷನ್ ವಾರ್ಡ್ ಗಳಲ್ಲಿದ್ದು ಅವರ ಸ್ಥಿತಿ ಸ್ಥಿರವಾಗಿದೆ‌, ಯಾರೊಬ್ಬರೂ ವೆಂಟಿಲೇಟರ್ ಸಹಾಯದಲ್ಲಿಲ್ಲ.‌

* ರಾಜ್ಯದಲ್ಲಿ ಕೋವಿಡ್ 19 ರ ರೋಗಿಗಳಿಗಾಗಿ ಮೀಸಲಿಟ್ಟಿರುವ ಹಾಸಿಗೆಗಳ ಸಂಖ್ಯೆ : 28686.
ಇಂದು ಇರುವ ಸಕ್ರಿಯ ಪಾಸಿಟಿವ್ ಪ್ರಕರಣಗಳು (Active Positive cases) ; 1431.

ಅಂದರೆ ಆಸ್ಪತ್ರೆಗಳಲ್ಲಿ ಇರುವ Bed Occupancy ಪ್ರಮಾಣ : 4.9%

* ಇಂದು 93 ಹೊಸ ಪ್ರಕರಣ ಗಳು ವರದಿಯಾಗಿವೆ. ಇವರ ಪೈಕಿ 76 ಮಂದಿ ಹೊರ ರಾಜ್ಯ ಹಾಗೂ ಹೊರ ದೇಶಗಳಿಂದ ಬಂದಿರುವವರು.‌ ಅಂದರೆ ಶೇಕಡ 81.7 ವ್ಯಕ್ತಿಗಳು ಹೊರಗಿನಿಂದ ಸೋಂಕು ತಂದಿರುವವರು.‌

* ರಾಜ್ಯದಲ್ಲಿ ಇದುವರೆಗೆ 2,19,894 ಸ್ಯಾಂಪಲ್ ಗಳನ್ನು ಪರೀಕ್ಷೆಗೆ ಒಳಪಡಿಸಲಾಗಿದೆ. ಇದರಲ್ಲಿ ಪಾಸಿಟಿವ್ ಪ್ರಕರಣಗಳು 2,182. ಅಂದರೆ ರಾಜ್ಯದಲ್ಲಿ ಪಾಸಿಟಿವಿಟಿ ಪ್ರಮಾಣ : 0.99%.