ರಾತ್ರೋ ರಾತ್ರಿ ಮನೆಯಾಗಿ ಪರಿವರ್ತನೆಯಾದ ಬಸ್ ನಿಲ್ದಾಣ

by Suddi Team
July 26, 2018
193 Views

ಬೆಳಗಾವಿ: ರಾತ್ರೋ ರಾತ್ರಿ ಬಸ್ ನಿಲ್ದಾಣವೊಂದು ಇದ್ದಕ್ಕಿಂದಂತೆ ಕಾಣೆಯಾಗಿರುವ ಘಟನೆ ಬೆಳಗಾವಿಯಲ್ಲಿ ನಡೆದಿದೆ. ರಾತ್ರಿ ಇದ್ದ ಬಸ್ ನಿಲ್ದಾಣದ ಜಾಗದಲ್ಲಿ ಬೆಳಗ್ಗೆ ಕಂಡ ದೃಶ್ಯ ನೋಡಿದ ಗ್ರಾಮಸ್ಥರ ಬೆಸ್ತು ಬಿದ್ದಿದ್ದಾರೆ.

ರಾತ್ರಿವರೆಗೆ ಇದ್ದ ಬಸ್ ನಿಲ್ದಾಣ ಬೆಳಗಾಗುತ್ತಿದ್ದಂತೆ ಮನೆಯಾಗಿ ಮಾರ್ಪಾಡಾದ ಘಟನೆ ನಡೆದಿದೆ.ರಾತ್ರೋ ರಾತ್ರಿ ಬಸ್ ನಿಲ್ದಾಣದಲ್ಲಿ ಕಿಡಿಗೇಡಿಗಳು ಮನೆ ನಿರ್ಮಾಣ ಮಾಡಿದ್ದಾರೆ. ಬೆಳಗಾವಿ ಜಿಲ್ಲೆಯ ಕಿತ್ತೂರು ತಾಲೂಕಿನ ಹೊಸಕಾದರವಳ್ಳಿ ಗ್ರಾಮದಲ್ಲಿ ನಡೆದ ಘಟನೆ ಈಗ ಇಡೀ ರಾಜ್ಯದಲ್ಲಿ ಸುದ್ದಿಯಾಗಿದೆ.

ನಿನ್ನೆ ರಾತ್ರಿವರೆಗೆ ಪ್ರಯಾಣಿಕರಿಗೆ ಕೂರಲು ಅನುಕೂಲವಾಗಿದ್ದ ಬಸ್ ನಿಲ್ದಾನದಲ್ಲಿ, ಇಂದು ಬೆಳಗಾಗುತ್ತಿದ್ದಂತೆ ಮನೆ ನಿರ್ಮಾಣ ಮಾಡಲಾಗಿದೆ. ಬಸ್ ನಿಲ್ದಾಣಕ್ಕೆ‌ ಗೋಡೆ ಕಟ್ಟಿ, ಎರಡು ಬಾಗಿಲು ಹಚ್ಚಿ ಬಸ್ ನಿಲ್ದಾಣವನ್ನ ಮನೆ ಮಾಡಲಾಗಿದೆ.

ಬೆಳಿಗ್ಗೆ ಗ್ರಾಮಸ್ಥರಿಗೂ ಬಸ್ ನಿಲ್ದಾಣ ಕಂಡು ಅಚ್ಚರಿಯಾಗಿದೆ. ತಡ ರಾತ್ರಿಯಲ್ಲಿ ಕಿಡಿಕೇಡಿಗಳಿಂದ ಕೃತ್ಯ ನಡೆಸಿದ್ದು ಇದನ್ನು ಯಾರು ಮಾಡಿದ್ದಾರೆ ಎಂಬುದ ಸದ್ಯಕ್ಕೆ ಗೊತ್ತಾಗಿಲ್ಲ. ಬಸ್ ನಿಲ್ದಾಣವನ್ನ ಹೊಸಕಾದರವಳ್ಳಿ ಗ್ರಾಮಸ್ಥರು ಅಚ್ಚರಿಯಿಂದ ನೋಡುತ್ತಿದ್ದಾರೆ.