ಸರಕಾರ ಹೆಚ್ಚುದಿನ ಉಳಿಯಲ್ಲ, ಅವರೇ ಕಚ್ಚಾಡಿಕೊಂಡು ಸರಕಾರ ಉರುಳಿಸುತ್ತಾರೆ: ಈಶ್ವರಪ್ಪ ಭವಿಷ್ಯ!

ಬೆಂಗಳೂರು: ಈ ಸರ್ಕಾರ ಜಾಸ್ತಿ ದಿನಗಳು ಉಳಿಯಲ್ಲ. ಅವರವರೇ ಜಗಳ ಆಡ್ಕೋತಾರೆ ಈ ಸರಕಾರ ಪರಸ್ಪರ ಜಗಳದಿಂದಲೇ ಬಿದ್ದು ಹೋಗುತ್ತದೆ. ಅವರು ಹಿಂಬಾಗಿಲ ಮೂಲಕ ಅಧಿಕಾರ ಹಿಡಿದಿದ್ದಾರೆ ಸರಕಾರ ಬಿದ್ದು ಹೋದ ಮೇಲೆ ಬಿಜೆಪಿ ಸರಕಾರ ಬರಲಿದೆ ಮಾಜಿ ಡಿಸಿಎಂ ಕೆ.ಎಸ್.ಈಶ್ವರಪ್ಪ ಭವಿಷ್ಯ ನುಡಿದಿದ್ದಾರೆ.

ಶಿವಮೊಗ್ಗ ಕಾರಾಗೃಹ ಜಮೀನು ವಿಚಾರ ಸಂಬಂಧ. ಡಿಸಿಎಂ, ಗೃಹ ಸಚಿವ ಡಾ.ಪರಮೇಶ್ವರ್ ನೇತೃತ್ವದಲ್ಲಿ ವಿಧಾನಸೌಧದಲ್ಲಿ ಸಭೆ ನಡೀತು. ಕೆ.ಎಸ್.ಈಶ್ವರಪ್ಪ, ಡಿಜಿ ಐಜಿಪಿ ನೀಲಮಣಿ ರಾಜು ಮತ್ತು ಶಿವಮೊಗ್ಗ ಎಸ್ಪಿ ಜೊತೆ ಗೃಹ ಸಚಿವರು ಸಭೆ ನಡೆಸಿದ್ರು.

ಸಭೆ ಬಳಿಕ ಮಾತನಾಡಿದ ಕೆ.ಎಸ್.ಈಶ್ವರಪ್ಪ, ಶಿವಮೊಗ್ಗ ನಗರ ಸಾಂಸ್ಕೃತಿಕ ನಗರಿಯೂ ಹೌದು. ರಾಷ್ಟ್ರೀಯ ದಿನಾಚರಣೆಗಳ ಆಚರಣೆಗೆ ನಗರದಲ್ಲಿ ಸ್ಥಳ ಇರಲಿಲ್ಲ ಶಿವಮೊಗ್ಗದ ಹಳೇ ಜೈಲಿಗೆ ಸೇರಿದ 46 ಎಕರೆ ಜಾಗ ಇದೆ ಈ ಜಾಗದಲ್ಲಿ ವಿಜಯದಶಮಿ, ಸಾರ್ವಜನಿಕ ಕಾರ್ಯಕ್ರಮಗಳನ್ನು ನಡೆಸಲು ಕೊಡುವಂತೆ ಕೇಳಿಕೊಂಡಿದ್ದೇವೆ ಅಧಿಕಾರಿಗಳು ಸ್ಥಳಕ್ಕೆ ಬಂದು ಪರಿಶೀಲನೆ ನಡೆಸಿ ಕಾಮಗಾರಿ ಆರಂಭಿಸಲಿದ್ದಾರೆ. ಸರಕಾರ ಈ ಸ್ಥಳದಲ್ಲಿ ಸಾರ್ವಜನಿಕ ಕಾರ್ಯಕ್ರಮಗಳನ್ನು ನಡೆಸಲು ಒಪ್ಪಿಗೆ ಕೊಟ್ಟಿದೆ ಎಂದ್ರು.

ನಮ್ದು ಹಿಂಭಾಗಿಲಿನ ರಾಜಕೀಯವಲ್ಲ ಅವರವರೇ ಹೊಡೆದಾಟ್ಕೊಂಡು ಜೀವ ಕಳೆದುಕೊಳ್ತಾರೆ ಅವರ ಹೊಡೆದಾಟದಿಂದ ಸರ್ಕಾರ ಅತಿಬೇಗ ಬಿದ್ದೋಗುತ್ತೆ ಅದು ಕಾಂಗ್ರೆಸ್ ಮತ್ತು ಜೆಡಿಎಸ್ ಎರಡು ಪಕ್ಷಗಳಿಗೂ ಚೆನ್ನಾಗಿಗೊತ್ತು. ಚುನಾವಣೆಗೂ ಮೊದಲು ಕಾಂಗ್ರೆಸ್ ತಾವೇ ಸರ್ಕಾರ ಮಾಡೋದು ಅಂತ ಬೊಗಳೆ ಬಿಡ್ತಿದ್ದರು.ರಾಜ್ಯ, ಧರ್ಮ ಎಲ್ಲವನ್ನೂ ಒಡೆಯೋ ಕೆಲಸ ಮಾಡಿದ್ದಾರೆ. ಸಮಾಜವನ್ನು ತುಂಡು ಮಾಡೋ ಪ್ರಯತ್ನ ಮಾಡಿದ್ರು.ಹಿಂದುಗಳ ಮೇಲೆ ದೌರ್ಜನ್ಯ ಮಾಡಿಸಿದರು.ನಾಚಿಕೆ ಇಲ್ಲದೆಯೇ ಹಿಂಬಾಗಿಲಿನಿಂದ ಜೆಡಿಎಸ್ ಜೊತೆ ಕೈ ಜೋಡಿಸಿದ್ದಾರೆ.ವಿರೋಧ ಪಕ್ಷದಲ್ಲಿ ಸಂತೋಷವಾಗಿದ್ದೇವೆ. ನಾವೇನೂ ಮಾಡಬೇಕಾಗಿಲ್ಲ.ಅವರವರೇ ಕಚ್ಚಾಡಿಕೊಂಡು ಸರ್ಕಾರ ಬಿದ್ದುಹೋಗತ್ತೆ.ಆಗ ಬಿಜೆಪಿ ಸರ್ಕಾರ ಅಧಿಕಾರಕ್ಕೆ ಬರತ್ತೆ ಎಂದ್ರು.

ಲೋಕೋಪಯೋಗಿ ಇಲಾಖೆಯ ವರ್ಗಾವಣೆಗೆ ಶಿಫಾರಸ್ಸು ಮಾಡಿರೋದು ನಿಜ ಒಬ್ಬ ಶಾಸಕನಾಗಿ ಉತ್ತಮ ಅಧಿಕಾರಿ ಹಾಕಿ ಕೊಡಿ ಅಂತಾ ಕೇಳುವ ಅಧಿಕಾರ ಇದೆ‌ ಅದನ್ನ ರೇವಣ್ಣ ಪ್ರಶ್ನೆ ಮಾಡೋದಕ್ಕೆ ಆಗಲ್ಲ ಆದ್ರೆ ರೇವಣ್ಣ ಎಲ್ಲ ಇಲಾಖೆ ವರ್ಗಾವಣೆಗೆ ಕೈ ಹಾಕೋದು ಏಕೆ.? ದೇಶದ ವರ್ಗಾವಣೆಯಲ್ಲಿ ಕೈ ಹಾಕ್ತಾರೆ ಎಂದುಸ ಚಿವ ಹೆಚ್.ಡಿ. ರೇವಣ್ಣಗೆ ಮಾಜಿ ಡಿಸಿಎಂ ಈಶ್ವರಪ್ಪ ತಿರುಗೇಟು ನೀಡಿದ್ರು.

ಇಷ್ಟು ದಿನ ಉದ್ಯೋಗ ಇಲ್ಲದೆ ಇದ್ದವರು‌ ಅವರು ಬಿಜೆಪಿ ಬಗ್ಗೆ ಮಾತ‌ನಾಡಬಾರದು.ಸಿದ್ದರಾಮಯ್ಯ ಅವರನ್ನ ಹೊರಗೆ ಹಾಕಿದ ನಂತ್ರ ಅವರಿಗೆ ಉದ್ಯೋಗ ಇರಲಿಲ್ಲ ದೇವೇಗೌಡರ ಹತ್ರ ಹೋಗಿ ಶಾಸಕರಾಗಿದ್ದಾರೆ ಅವರು ಬಿಜೆಪಿ ಬಗ್ಗೆ ಮಾತಾಡಬಾರದು ಎಂದು ಜೆಡಿಎಸ್ ರಾಜ್ಯಾಧ್ಯಕ್ಷ ಹೆಚ್.ವಿಶ್ವನಾಥ್ ವಿರುದ್ಧ ಈಶ್ವರಪ್ಪ ಕಿಡಿಕಾರಿದ್ರು.