ಟ್ರೆಂಡಿ ನೈಲ್ ಆರ್ಟ್ ಇನ್ ಗರ್ಲ್ಸ್ ಫಿಂಗರ್

0
74

 

ಬೆಂಗಳೂರು:ಸಿಲಿಕಾನ್ ಸಿಟಿಯಲ್ಲಿ ಮುಂಗಾರು ಮಳೆ ಆರಂಭಗೊಂಡಿದೆ.ಎಲ್ರೂ ಕೊಡೆ ಮೊರೆ ಹೋದ್ರೆ ಹೆಣ್ಮಕ್ಳು ಮಾತ್ರ ನೈಲ್ ಆರ್ಟ್ ಮೊರೆ ಹೋಗಿದ್ದಾರೆ.ಅರೆ ಇದೇನು ಅಂತೀರಾ, ಇದು ಈ ಸೀಸನ್ ನ ಹೊಸ ಟ್ರೆಂಡ್!

ಯಸ್,ಈಗ ಮನ್ಸೂನ್ ಇರೋದ್ರಿಂದ ಮನ್ಸೂನ್ ನೈಲ್ ಆರ್ಟ್ ಟ್ರೆಂಡ್ ಸಿಲಿಕಾನ್ ಸಿಟಿ ಬೆಡಗಿಯರನ್ನ ಸೆಳೆಯುತ್ತಿದೆ.
ಹೊಸದನ್ನೇ ಇಷ್ಟ ಪಡೋ ಫ್ಯಾಷನ್ ಪ್ರಿಯ ಸ್ತ್ರೀಯರು ಈಗ ಸೀಸನ್ ಫ್ಯಾಷನ್ ಗೂ ಫುಲ್ ಫಿದಾ ಆಗಿದ್ದಾರೆ.ಮನ್ಸೂನ್ ಇರೋದ್ರಿಂದ ಮಾನ್ಸೂನ್ ಟ್ರೇಂಡಿ ನೈಲ್ ಆರ್ಟ್ ಮೊರೆ ಹೋಗಿದ್ದಾರೆ.

ಒಂದೇ ಫ್ಯಾಷನ್ ಗೆ ಜೋತು ಬೀಳದ ನಾರಿ ಮಣಿಯರು ಈಗ ಮನ್ಸೂನ್ ನೈಲ್ ಆರ್ಟ್ ಗೆ ಮನ ಸೋಲುತ್ತಿದ್ದಾರೆ. ಮಳೆಗಾಲಕ್ಕೆ ಸಂಬಂಧಪಟ್ಟ ನಾನಾ ನೈಲ್ ಆರ್ಟ್ ಡಿಸೈನ್ಗಳು ಹೆಂಗಳೆಯರ ಚೆಂದದ ಬೆರಳ ಉಗುರಿನಲ್ಲಿ ರಾರಾಜಿಸುತ್ತಿವೆ.

ಮೊದಲಿಗೆ ಬ್ಲೂ ಮ್ಯಾಚ್ ಆಗುವಂತಹ 2 ಕೋಟ್ ಹಚ್ಚಿಕೊಂಡು ಅದಕ್ಕೆ ಮೋಡ ಕವಿದ ವಾತಾವರಣದ ಚಿತ್ತಾರ ಎದ್ದು ಕಾಣುತ್ತಿದ್ದು, ಎಲ್ಲರ ಮೆಚ್ಚುಗೆಗೆ ಪಾತ್ರವಾಗ್ತಿದೆ.ಜೊತೆಗೆ ತುಂತುರು ಹನಿ ಬೀಳುವ ಚಿತ್ರಗಳು, ಇನ್ನಷ್ಟು ಉಗುರಿಗೆ ಅಂದವನ್ನು ಹೆಚ್ಚಿಸುತ್ತೆ, ಹೆಣ್ಮಕ್ಕಳಲ್ಲಿ ಅದ್ರಲ್ಲೂ ಕಾಲೇಜು ಹುಡುಗಿಯರು ಈ ನೈಲ್ ಆರ್ಟ್ ಅನ್ನು ಹೆಚ್ಚು ಇಷ್ಟ ಪಡ್ತಾರೆ.

ಚೆಂದದ ಉಗುರಿಗೆ ಅಂದದ ರಂಗಾದ ಬಣ್ಣ ಬಳಿಯುವುದು ಹುಡುಗಿಯರಿಗೆ ಅಚ್ಚುಮೆಚ್ಚು. ಮಾಮೂಲಿ ನೈಲ್ ಆರ್ಟ್ನಿಂದ ಬೋರ್ ಆಗಿರೋ ನಾರಿಮಣಿಯರು ಈಗ ಮನ್ಸೂನ್ ನೈಲ್ ಆರ್ಟ್ ನತ್ತ ಮುಖ ಮಾಡ್ತಿದ್ದಾರೆ.ಎಂಜಿ ರಸ್ತೆ, ಬ್ರಿಗೇಡ್ ರೋಡ್,ಕಮರ್ಷಿಯಲ್ ಸ್ಟ್ರೀಟ್ ಕಡೆ ಹೋದ್ರೆ ಅಲ್ಲಿನ ಹೆಂಗಳೆಯರ ಬೆರಳಿನ ಉಗುರುಗಳಲ್ಲಿ ಟ್ರೇಂಡಿ ನೈಲ್ ಆರ್ಟ್ ಕಣ್ಮನ ಸೆಳೆಯೋದಂತೂ ಸುಳ್ಳಲ್ಲ.

- Call for authors -

LEAVE A REPLY

Please enter your comment!
Please enter your name here